MEMORIA ERAIKIZ

MEMORIA ERAIKIZ, urritik otsailera Euskal Herriko herri desberdinetan egongo dena, indarkeria matxista jasan eta bizirik atera diren emakumeen memoriaz zentzumen-esperientzia desberdina bizitzeko gonbita egingo digu, sistema patriarkalari aurre egiteko eta gu geu eraldatzeko.

 

Memoria Eraikizek erakusketa baten bidez zenbait bizipenen hedapena egin nahi du, ondoko ikerketan jasotako kontakizunena, hain zuzen: Asfalto arteko loreak. Indarkeria matxisten kausak eta eraginal biziraun duten emakume biktimen bizitzetan. Beraien denbora eskaini eta testigantzak eman dituzten 28 emakume ausart; justizia eta bizitakoa berriz ez errepikatzea bilatzeko euren historiaren parte bat elkarbanatu zutenak.


#ZAINDUZKONTSUMITU

Donostiko kontsumo arduratsurako sarea den Saretuzek zaintzak ardatz izango ditu aurtengo jardunaldietan. Norbanakoa, kontsumo azkarra eta lehiakortasuna nagusi diren sistema honen alternatiba gisa, jardunaldi hauetan komunitarioa dena, zaintzak eta kontsumo arduratsuarekin duten harremana jorratuko dira.  Ekimen ezberdinak ezagutzeko aukeraizango dugu.

Jardunaldiak doakoak dira, baina izena ematea gomendatzen dugu telefono honetara: 943-453526

+ INFO: www.saretuz.eus

Jarraitu irakurtzen


Zeinek zaintzen du eta nola Vitoria-Gasteizen?

Zentzuz Kontsumitu-Consume con Sentido (ZK) –SETEM HEGO HAIZEA, MEDICUSMUNDI ARABA eta MUGARIK GABE GGKEak direla partzuergoko kideak– “Zeinek  zaintzen du eta nola Vitoria-Gasteizen? Etxeko-langileen egoera Vitoria-Gasteizen: hurbilketa bat” ikerlana aurkezten du.

Lan honen helburua da etxeko eta zaintzako lana ikusgai jartzea, gure hirian lan-mota hori nola egiten ari den ezagutaraztea, eta bai bizitzaren zaintzaren garrantzia, bai bidezkoa, ekitatiboa eta erantzunkidetasunezkoa izango den zaintza-sistema baten beharra aldarrikatzea.

Jarraitu irakurtzen


Beste erailketa bat Huarten

BESTE EMAKUME BAT ERAILA EUSKAL HERRIAN! ASKI DA! NAZKATUTA GAUDE!

NATALYA BALLYK BORTIZKI ERAILA IZAN DA UHARTEN

EHko Emakumeen Mundu Martxaren Erailketa sexisten aurkako protokoloa aktibatzen da.

Beste erailketa matxista baten berri izan genuen atzo, bosgarrena dugu aurten Euskal Herrian: gogoan zaituztegu!!!

Emakumeen Mundu Martxatik gogor salatzen dugu Uharteko erailketa eta abuztuaren 29 eta 30ean egingo diren mobilizazioetan parte hartzeko deia egiten dugu! Honekin batera autodefentsa feministarako deia egiten dugu, gure bizitzak direlako jokoan daudenak. Feministok erantzuteko prest gaude! Martxan jarraituko dugu, elkarrekin, borrokan denak aske izan arte!!!!

 


HERRIAK EUREN KOMUNIKAZIOAREN JABE

 

2016 eta 2017. urteetan zehar, Komunikatuz Eraldatu kanpainaren barnean, Latinoamerikako herri indigenek euren komunikabideak nola sortu dituzten, zelan defendatu dituzten eskubideak eta herri bezala euren nortasuna eta hizkuntza propioak nola sendotu dituzten ikustarazten zentratu gara. Honekin batera, Euskal Herrian helburu antzekoekin Herri Komunikabideek eta komunikazio alternatiboaren arloan dabiltzan eragileek egin duten eta egiten duten lanarekin uztartuz.

Ondoko liburuxkak komunikatuz eraldatzen duten borrokak, iritziak eta elkarrizketak jasotzen ditu!

Komunikatuz Eraldatu liburuxka