Kataluniako Gizarte Laneko Elkargo Ofizialak argitaratzen duen Revista de Trabajo Social (RTS) aldizkariaren zenbaki berria eskuragarri dago. 219 monografiko honen izenburua “Ideien botere geldiezina ekinean: berrikuntzatik beharrezko aldaketa posiblera” da.
Izenburu iradokitzaile horrekin, “Praktika berritzaileetatik abiatuta ikasitako irakaspenak” izeneko atalean parte hartzera gonbidatu gintuzten, antolaketa-aldaketa feministaren esperientzia partekatzeko, hainbat aliaturekin batera bultzatzen ari baikara, eta azken urteotan Ikusezinetik bidaiatzen prozesuan gauzatu baita.
RTSk dioen bezala, zenbaki honek berrikuntzaren, sormenaren eta ezagutza partekatzearen garrantzia nabarmentzen du, gure praktikak hobetu eta eguneratzeko eta egungo errealitate nahasgarrira egokitzeko.
Artikulua gaztelaniaz aurki dezakezu, katalanez eta ingelesez .