Etiketaren artxiboak: Feminicidio


Mugarik Gabek eta Feminicidio.net-ek argitaratuta

FEMINIZIDIOA EUSKADIN ETA NAFARROAN 2010-2015. GERTAERAK, TRATAMENDUA PRENTSAN ETA EPAIEN ANALISIA.

Txostena deskargatzeko sakatu irudian.

Mugarik Gabek eta Feminicidio.net-ek argitaratuta.

Indarkeria matxisten continuum-aren formarik muturrenekoa da Femizidioa. Irismen globala duen emakumeen giza-eskubideen urraketa hori gure inguru hurbilean ere ematen da. 2010 eta 2015 urteen artean, emakume izateagatik 33 neskatila eta emakume erail zituzten Euskadin eta Nafarroan. Argitalpen honetan feminizidio horiek jaso, komunikabideek kasuei emandako tratamendua analizatu eta justiziak zein erantzun eman zien aztertu da. Era berean, hobekuntza proposamenak egiten dira, hala komunikabideei begirakoak, nola justiziarekikoak.

Lan honekin Mugarik Gabek ekarpen bat egin nahi du, indarkeria matxistak instituzioen agenda politikoetan, beste elkarteenetan zein oro har jendartean lehentasunezko gai izan daitezen. Era berean, lan honek orrialde hauetan jasotzen diren emakume guztien memoria historikoa eraikitzeko tresna izan nahi du.

 


Feminizidioa Euskadin eta Nafarroan 2010-2015. Gertaerak, tratamendua prentsan eta epaien analisia

TXOSTENAREN HURRENGO AURKEZPENAK:
Basauri, martxoak 13 de marzo 18:30, Emakumeen Etxean, Marienean
Donostia, martxoak 27 de marzo 18:30, Emakumeen Etxean
Gasteiz, martxoak 28 de marzo 18:30, Simón de Beauvoir
Donostiako eta Gasteizko aurkezpenetan Graciela Atenciok, ikerketaren koordinatzaileak parte hartuko du.
Feminicidio.net-eko kideek burutu duten ikerketa honek 3 eduki nagusi ditu:
 1. Hego Euskal Herrian sei urte hauetan egindako feminizidio guztien erregistroa eta analisia, osagai hauek biltzen dituztenak: biktimen eta kaltegileen profila, bien arteko harremana, egindako eraso eta kalte guztiak, aurkitutako kalteberatasunak;
2. Hedabideek kasuei emandako trataeraren azterketa bat, gaztelaniazko 44 komunikabide eta euskarazko 17 komunikabide kontuan hartuta;
3. Epaitegiek kasuei emandako epaien azterketa bat.