Etiketaren artxiboak: educación


Bilbon estreinatuko dugu Lurr Ikara kabareta

Azaroaren 7an, Bilbon, Lur-Ikara kabaretaren aurkezpena izango da 13:00etan Unamuno plazan.

Zer den jakin nahi duzue?

Lurr Ikara kabareta galdera sozialen inguruko ekintza kolektiboa da, Baldosa Flotanteren musika zuzenean izango duen ikuskizuna. Antzerki-foro bat da, eszena bat beste eszena askorekin, egoeraren azterketa, hori guztia eta askoz gehiago da.

Egoera ez da egoera zehatz bat, dena barnebiltzen duena baizik: mundua mugiarazten duen ekonomia, barrutik ateratzen den energia, zaintzak, etab.

Anima zaitez bertaratzera! Informazio gehiago zabaltzen joango gara, adi egon 😉

Jarraitu irakurtzen


Eman izena ikastaro honetan eta Elkartasun auzolandegietara bidaiatu

Urriaren 7an hasiko den Desazkundean, barne-hartzean eta feminismoan oinarritutako garapen baterako estrategiak ikastaroa egiteko izen-emate epea irekita dago. Azkeneko aldiz burutuko da prestakuntza hori aurten, zein azken urteotan bezala 90 ordukoa izango da. Gasteizeko eta Bilboko SETEMen eta Mugarik Gabeko egoitzetan izango dira 10 moduluak, txandaka.

Oraingo honetan nobedade berezi bat dakar ikastaroak: hurrengo udan SETEMek Latinoamerikan antolatzen dituen Elkartasun auzolandegietara bidiaitzeko aukera emango du. Era berean, deskontu bereziak izango dira erakunde sozialekin edota ekonomia sozial eta solidarioaren erakundeekin lotura duten pertsonentzat.

Jarraitu irakurtzen


Desazkunde eta Bizitze Onaren Topaketen ondoren

rueda de prensa1Desazkunde eta Bizitze Ona Sarea osatzen dugun erakundeek urte bat baino gehiago daramagu “Euskal Herrian kolektibotasunean eraikiz” argitalpenean elkarrekin lan egiten. Joan den ekainaren 3an, ostiralean, jendaurrean aurkeztu genuen argitalpenean funtsezko 4 ardatzen inguruko aldarrikapenak eta hausnarketak proposatzen ditugu: elikagai-subiranotasuna, eredu energetikoa, ekonomia birlokalizatzea eta pertsonen zainketa.

Gure sare-lana bizitzaren eta planetaren zainketa erdigunean kokatzen duten antolakuntza sozialeko eredu berriak eraikitzea proposatzen diguten pentsamendu-korronte ezberdinak (Desazkundea eta Bizitze Onaren paradigmak, besteak beste) ikuspegi feministatik ezagutzera eman nahian abiatu genuen.

Sarean egindako lan honen ondorioz, 2011tik Topaketak antolatu ditugu urtero. Topaketa horietan, dagoeneko martxan dauden esperientzia eta alternatiba praktikoak erakutsi ditugu,  lanaren kontzeptua zalantzan jarriz eta enplegua ekologiarekin bateratzeko ahalegina eginez.

Enplegua eskubide sozialak lortzeko eta ezinbesteko beharrak asetzeko bidea izatea nahi ez badugu, alternatiba onargarri bat proposatu behar dugu, enplegua lanarekin eta balioa prezioarekin parekatzen dituen baliokidetasun faltsua saiheste aldera.

Egun krisian dagoen eta berpizten saiatzen ari den eredua bizitza ahalbidetzen duten oreka ekologikoak arriskuan jartzen dituzten eta gizaki gisa eusten gaituzten elkarmenpekotasuneko harremanak zailtzen dituzten zimendu patriarkal, antropozentriko eta kapitalisten gainean eraiki da.

Bizitza erdigunean jartzen duen eredu batera igarotzeko honako hauek kontuan hartu behar ditugu:

  • Planetaren muga fisikoak, ekonomiaren esfera materialaren desazkundea derrigorrezko egiten dutenak;
  • Elkarmenpekotasuna, gizarte osoa ongizatearen eta erreprodukzio sozialaren erantzule bihurtu dadin;
  • Baliabide mugatuak dituen planeta batean aberastasuna banatzeko beharra;
  • Eta premiazko neurriak hartzeko beharra.

Ekonomia logika honen arabera birmoldatzeko, honako oinarrizko galdera hauek erantzun beharko ditugu: zein behar ase behar dira pertsona guztientzat? Zenbat ekoizpen behar dira behar horiek guztiak asetzeko? Zeintzuk dira ekoizpen horiek lortzeko gizarteak egin behar dituen lanak?

Espero dugu 19 erakunderen artean argitaratu berri dugun “Euskal Herrian kolektibotasunean eraikiz” dokumentuak Intzidentzia Politiko Kolektiboaren Agenda sortzen eta bai banaka bai kolektiboki alternatibak martxan jartzen laguntzea, Eredu Energetikoari, Ekonomia Birlokalizatzeari, Elikagai-subiranotasunari eta Zainketari dagokienez; izan ere, gure ustez, lau sektore horiek estrategikoak dira eredu sozial jasangarri, justu eta bidezko batera igarotzeko.

Desazkunde eta Bizitze ona V. Topaketetan “Erreibindikazio eta alternatiba kolektiboak” Euskal Herritik kolektibotasunean eraikiz: Bizi estilo jasangarrietan oinarritutako gizarte justu eta bidezko baten eraikuntzarako analisi eta aldarrikapenak  argitalpena aurkeztu da.

puesta en comun (5)


Gasteizen abian jarritako ekintzak

Zentzuz Kontsumitu, Bionekazaritza eta Bioalaitik,  elikadura-sistemaren eztabaidari buruzko zenbait jarduera aurkezten dizuegu. Elikadura eta osasuna uztartzen dituzten hitzaldiak izango ditugu. Kontzeptu berriak ikasiko ditugu, elikadura-eredu konbentzionalaren aurreko alternatibak proposatzen dizkigutenak, hala nola elikadura-burujabetza. Antzerki interaktiboekin ongi pasatzeko aukera izango dugu, parte-hartzea helburu, gure pentsamenduei eragiteko. Ekuadorreko pertsona indigenak aurrez aurre ezagutzeko aukera ere izango dugu, ideiak eta gogoetak trukatzeko haiekin. Eta bukatzeko geure gorputzean ezagutuko dugu zer garen, zer jaten dugun, eta zer pentsatzen dugun.

Hiru antolakundeok sortu ditugun hiruhilekoko jardueren lehen egutegia aurkezten dizuegu, espero dugu interesgarri iruditzea eta elkar ikustea.

kartela

 

Argibide gehiagorako:

http://consumoresponsable.info
http://www.bionekazaritza.net
http://www.bioalai.org

EUTSI EDO HIL – 3. atala

Eutsi edo Hil Kanpainako hirugarren bideoa prest dugu!!

Herri indigena askok euren hezkuntza propioa gaur bere gain hartzen dute eta euren hezkuntza beharrizanak asetzeko hezkuntza sistema propioak eraikitzeko erabakia hartu dute (eskolak, unibertsitateak, etab.). Jarraitu EUTSI EDO HIL – 3. atala irakurtzen