Etiketaren artxiboak: educación


BIZIMODU JASANGARRIETARAKO ESKUBIDEAREN ALDEKO HERRI-AUZITEGIA: Esperientziaren aurkezpena

Apirilak 12, osteguna, 18:30etan, Loiolako Kultur Etxean.

Ostegun honetan Bizimodu Jasangarrietarako Eskubidearen Aldeko Herri-Auzitegiaren esperientzia partekatuko dugu Ekologia Sozial eta Politikorako jardunaldietan.

Herri-auzitegiak Giza Eskubideen hainbat urraketen ikusezintasunari aurre egiteko eta urraketen inpunitatea agerian uzteko helburua duten jendarte zibileko erakundeen estrategia bat dira.

Gizarte-kontzientzia pizten duten erreparazio-ekitaldiak dira, gertatu zena urraketa pairatu zuten pertsonen ahotsetan azaleratuz, eta sarri hauentzako ahalduntzerako-ekintza ere bilakatuz.

Otsailaren 23 eta 24ean Bilbon ozpatu zen Herri-Auzitegian 8 kasu esanguratsu aurkeztu ziren honako eskubide hauen urraketak salatuz:

Jarraitu irakurtzen


Bizimodu jasangarrirako eskubidearen aldeko Herri Auzitegiaren ebazpena

Joan den otsailaren 23an eta 24an Bizimodu jasangarrirako eskubidearen aldeko Herri Auzitegia egin genuen, honako epaimahaikide bikain hauen laguntzarekin: Begoña Zabala González, María Eugenia Rodríguez Palop, Patricia Bárcena García, Janaína Strozake, Yolando Jubeto, Júlia Martí Comas, Yayo Herrero López eta Lolita Chávez.

Herri Auzitegiaren ebazpena bidaltzen dizuegu, besteak beste, “testigantza ematera etorri diren zortzi pertsonek isiltasuna hausteko eta bizimodu alternatibo eta emantzipatzaileak proposatzeko erakutsi duten ausardia eta adorea” aitortzen baitu.

Epaimahaiak ebazpena ozen irakurri eta pertsonalki entregatu zien bai testigantza eman zuten pertsonei, bai ekitaldia antolatu zuten kolektiboei. Bidalitako argazkietan ikusiko duzuen bezala, amaiera zinez hunkigarria izan zen.

Herri Auzitegi hau munduko eskualde eta leku ezberdinetan gertatzen diren giza eskubideen urraketak salatzeko eta ikusgarri egiteko sortu zen, bai eta eskubideen urraketa jasan duten pertsonei, adore handia erakutsita egun hauetan gurekin egon direnei eta beste hainbesteri aitortza eta erreparazioa egiteko ere.

Jarraitu irakurtzen


Tribunal sinbolikoen elkartrukea, ezagutzak elkarbanatuz

Azaroaren 29an Donostian duzu zita! “Tribunal sinbolikoen elkartrukea, ezagutzak elkarbanatuz” izango dugu eta irekia da jardunaldia. Anima zaitez!

Tribunaletara bertaratzeko deia egiten dugu, denon artean bizi dugun jendarte kontsumistari nola aurre egin eta bizitza jasangarriak nola bideratu ditzakegun landu nahi dugulako.

Azaroaren 29ko Tribunal sinbolikoen elkartrukeko egitaraua hau da:

13:30: Antzerki-foroa Lur-Ikara Kabaretarekin, Nestor Basterretxea plazan (Tabakalera ondoan).

16:30: Begirada kontzienteak erakusketari bisita, Cristina Enean.
17:00: Elkartrukea, Cristina Enean:

17:00-17:15: Parte hartzaileen erregistroa. Materialak banatuko dira.
17:15-17:30: Jardunaldien aurkezpena.
17:30-18:30: Tribunalean izango diren esperientzien aurkezpena.

  • 17:50-18:10: Caso Castorreko herri tribunala, Blanca Bayas eta Irina Camarasa, energian adituak eta caso Castorreko antolatzaileak.
  • 18:10-18:30: Emakumeen Eskubideen Nazioarteko Tribunala. Viena+20, Joana Etxano.

18:30 – 19:05. Giza Eskubideen Defendatzaileen borrokaren kriminalizazioa: Richar Sierra eta Lolita Chávez-en kasuak, GGEEen aldeko aktibistak, lider indigenak, herri indigenen lurrerako eta lurralderako eskubidearen aldeko defendatzaileak.

19:05 – 19:30. Solasaldia.


Bilbon estreinatuko dugu Lurr Ikara kabareta

Azaroaren 7an, Bilbon, Lur-Ikara kabaretaren aurkezpena izango da 13:00etan Unamuno plazan.

Zer den jakin nahi duzue?

Lurr Ikara kabareta galdera sozialen inguruko ekintza kolektiboa da, Baldosa Flotanteren musika zuzenean izango duen ikuskizuna. Antzerki-foro bat da, eszena bat beste eszena askorekin, egoeraren azterketa, hori guztia eta askoz gehiago da.

Egoera ez da egoera zehatz bat, dena barnebiltzen duena baizik: mundua mugiarazten duen ekonomia, barrutik ateratzen den energia, zaintzak, etab.

Anima zaitez bertaratzera! Informazio gehiago zabaltzen joango gara, adi egon 😉

Jarraitu irakurtzen


Eman izena ikastaro honetan eta Elkartasun auzolandegietara bidaiatu

Urriaren 7an hasiko den Desazkundean, barne-hartzean eta feminismoan oinarritutako garapen baterako estrategiak ikastaroa egiteko izen-emate epea irekita dago. Azkeneko aldiz burutuko da prestakuntza hori aurten, zein azken urteotan bezala 90 ordukoa izango da. Gasteizeko eta Bilboko SETEMen eta Mugarik Gabeko egoitzetan izango dira 10 moduluak, txandaka.

Oraingo honetan nobedade berezi bat dakar ikastaroak: hurrengo udan SETEMek Latinoamerikan antolatzen dituen Elkartasun auzolandegietara bidiaitzeko aukera emango du. Era berean, deskontu bereziak izango dira erakunde sozialekin edota ekonomia sozial eta solidarioaren erakundeekin lotura duten pertsonentzat.

Jarraitu irakurtzen


Desazkunde eta Bizitze Onaren Topaketen ondoren

rueda de prensa1Desazkunde eta Bizitze Ona Sarea osatzen dugun erakundeek urte bat baino gehiago daramagu “Euskal Herrian kolektibotasunean eraikiz” argitalpenean elkarrekin lan egiten. Joan den ekainaren 3an, ostiralean, jendaurrean aurkeztu genuen argitalpenean funtsezko 4 ardatzen inguruko aldarrikapenak eta hausnarketak proposatzen ditugu: elikagai-subiranotasuna, eredu energetikoa, ekonomia birlokalizatzea eta pertsonen zainketa.

Gure sare-lana bizitzaren eta planetaren zainketa erdigunean kokatzen duten antolakuntza sozialeko eredu berriak eraikitzea proposatzen diguten pentsamendu-korronte ezberdinak (Desazkundea eta Bizitze Onaren paradigmak, besteak beste) ikuspegi feministatik ezagutzera eman nahian abiatu genuen.

Sarean egindako lan honen ondorioz, 2011tik Topaketak antolatu ditugu urtero. Topaketa horietan, dagoeneko martxan dauden esperientzia eta alternatiba praktikoak erakutsi ditugu,  lanaren kontzeptua zalantzan jarriz eta enplegua ekologiarekin bateratzeko ahalegina eginez.

Enplegua eskubide sozialak lortzeko eta ezinbesteko beharrak asetzeko bidea izatea nahi ez badugu, alternatiba onargarri bat proposatu behar dugu, enplegua lanarekin eta balioa prezioarekin parekatzen dituen baliokidetasun faltsua saiheste aldera.

Egun krisian dagoen eta berpizten saiatzen ari den eredua bizitza ahalbidetzen duten oreka ekologikoak arriskuan jartzen dituzten eta gizaki gisa eusten gaituzten elkarmenpekotasuneko harremanak zailtzen dituzten zimendu patriarkal, antropozentriko eta kapitalisten gainean eraiki da.

Bizitza erdigunean jartzen duen eredu batera igarotzeko honako hauek kontuan hartu behar ditugu:

  • Planetaren muga fisikoak, ekonomiaren esfera materialaren desazkundea derrigorrezko egiten dutenak;
  • Elkarmenpekotasuna, gizarte osoa ongizatearen eta erreprodukzio sozialaren erantzule bihurtu dadin;
  • Baliabide mugatuak dituen planeta batean aberastasuna banatzeko beharra;
  • Eta premiazko neurriak hartzeko beharra.

Ekonomia logika honen arabera birmoldatzeko, honako oinarrizko galdera hauek erantzun beharko ditugu: zein behar ase behar dira pertsona guztientzat? Zenbat ekoizpen behar dira behar horiek guztiak asetzeko? Zeintzuk dira ekoizpen horiek lortzeko gizarteak egin behar dituen lanak?

Espero dugu 19 erakunderen artean argitaratu berri dugun “Euskal Herrian kolektibotasunean eraikiz” dokumentuak Intzidentzia Politiko Kolektiboaren Agenda sortzen eta bai banaka bai kolektiboki alternatibak martxan jartzen laguntzea, Eredu Energetikoari, Ekonomia Birlokalizatzeari, Elikagai-subiranotasunari eta Zainketari dagokienez; izan ere, gure ustez, lau sektore horiek estrategikoak dira eredu sozial jasangarri, justu eta bidezko batera igarotzeko.

Desazkunde eta Bizitze ona V. Topaketetan “Erreibindikazio eta alternatiba kolektiboak” Euskal Herritik kolektibotasunean eraikiz: Bizi estilo jasangarrietan oinarritutako gizarte justu eta bidezko baten eraikuntzarako analisi eta aldarrikapenak  argitalpena aurkeztu da.

puesta en comun (5)