mugarikgabe-ren sarrera guztiak


GIZA ESKUBIDEEK EZ DUTE MUGARIK – EKINTZAK GASTEIZEN

Beste urte batez, Nazioarteko Elkartasuna, Serso San Viator Euskal Herria, Kolonbia-Euskadi eta Mugarik Gabetik “Giza Eskubideek ez dute Mugarik” kanpaina aurkezten dugu Gasteizen.

Mugarik Gaberen aldetik, kanpaina honetan Euskal Herria eta Kolonbiako Emakumeek bakearen alde eginiko lana nabarmendu nahi dugu, euren arteko eztabaida eta esperientzien trukaketa sustatuz. Horretarako mahai inguru bat antolatuko dugu, “Bakea Eraikitzen duten Emakumeak” izenekoa.

Informazio guztia hemen: Giza Eskubideak Gasteiz 2017

 


Tribunal sinbolikoen elkartrukea, ezagutzak elkarbanatuz

Azaroaren 29an Donostian duzu zita! “Tribunal sinbolikoen elkartrukea, ezagutzak elkarbanatuz” izango dugu eta irekia da jardunaldia. Anima zaitez!

Tribunaletara bertaratzeko deia egiten dugu, denon artean bizi dugun jendarte kontsumistari nola aurre egin eta bizitza jasangarriak nola bideratu ditzakegun landu nahi dugulako.

Azaroaren 29ko Tribunal sinbolikoen elkartrukeko egitaraua hau da:

13:30: Antzerki-foroa Lur-Ikara Kabaretarekin, Nestor Basterretxea plazan (Tabakalera ondoan).

16:30: Begirada kontzienteak erakusketari bisita, Cristina Enean.
17:00: Elkartrukea, Cristina Enean:

17:00-17:15: Parte hartzaileen erregistroa. Materialak banatuko dira.
17:15-17:30: Jardunaldien aurkezpena.
17:30-18:30: Tribunalean izango diren esperientzien aurkezpena.

  • 17:50-18:10: Caso Castorreko herri tribunala, Blanca Bayas eta Irina Camarasa, energian adituak eta caso Castorreko antolatzaileak.
  • 18:10-18:30: Emakumeen Eskubideen Nazioarteko Tribunala. Viena+20, Joana Etxano.

18:30 – 19:05. Giza Eskubideen Defendatzaileen borrokaren kriminalizazioa: Richar Sierra eta Lolita Chávez-en kasuak, GGEEen aldeko aktibistak, lider indigenak, herri indigenen lurrerako eta lurralderako eskubidearen aldeko defendatzaileak.

19:05 – 19:30. Solasaldia.


TIPI-TAPA Bagoaz! kanpania. Azaroko ekintzak

TIPI-TAPA bagoaz! Bizimodu jasangarrietarantz sozializazio- eta komunikazio-kanpaina bat da, zehazki, hausnarketa eta analisi kolektiboko prozesu baten emaitza.

Elkarrekin aurrera egiteko ahalegin honetan, egungo garapen-ereduaren aurrean alternatibak bilatu behar direla sentitzen dugun kolektibo desberdinetako hainbat erakundek (gizarte-mugimenduak, GGKEak, sareak edota sindikatuak) gaude sartuta. Denok batera, gure posizionamendua argitaratu genuen 2016an: “Euskal Herritik kolektibotasunean eraikiz: Bizi estilo jasangarrietan oinarritutako gizarte justu eta bidezko baten eraikuntzarako analisi eta aldarrikapenak“.

Orain, TIPI-TAPA bagoaz! Bizimodu jasangarrietarantz kanpainaren txanda iritsi da; eta honen bidez garapen errukitsu, ekitatibo eta jasangarri baterantz bideratzen gaituzten eztabaida eta praktiketarako guneak sortu nahi ditugu. Horretarako, adostutako proposamen eta aldarrikapenak sozializatuko ditugu, estrategikotzat jotzen ditugun lau ardatzen inguruan: Elikagai-Subiranotasuna, Ekonomiaren birlokalizazioa, Eredu energetikoa eta Zainketa.

Azaroa ekintzez beteta dugu! Hainbat ekintza ditugu Bizkaian eta Gipuzkoan zehar:

Azaroak 23, 19:30TIPI-TAPA Bagoaz Hacia Vidas Sostenibles Dokumentalaren Aurkezpena egingo dugu Tetaría NAILUAN, Basaurin.

 Azaroak 24, 17:30: Lur-Ikara Kabareta antzerki-foroa Oñatin, Foruen Enparantza plazan.

Azaroak 29, 13:30: Antzerki-foroa Donostian, Nestor Basterretxea plazan (Tabakalera ondoan).

Azaroak 30, 16:30: Antzerki-foroa Tolosan, Triangelu plazan (euria egiten badu, Kultur Etxeko Areto nagusian).

Zuen zain egongo gara!


Bilbon estreinatuko dugu Lurr Ikara kabareta

Azaroaren 7an, Bilbon, Lur-Ikara kabaretaren aurkezpena izango da 13:00etan Unamuno plazan.

Zer den jakin nahi duzue?

Lurr Ikara kabareta galdera sozialen inguruko ekintza kolektiboa da, Baldosa Flotanteren musika zuzenean izango duen ikuskizuna. Antzerki-foro bat da, eszena bat beste eszena askorekin, egoeraren azterketa, hori guztia eta askoz gehiago da.

Egoera ez da egoera zehatz bat, dena barnebiltzen duena baizik: mundua mugiarazten duen ekonomia, barrutik ateratzen den energia, zaintzak, etab.

Anima zaitez bertaratzera! Informazio gehiago zabaltzen joango gara, adi egon 😉

Jarraitu irakurtzen


SARETUZ SAREAREN VI. JARDUNALDIAK KONTSUMOA eta ONGI BIZITZEA ERALDABIDE

Saretuzek, kontsumo kontziente eta arduratsua sustatzen duen sareak, bere jardunaldien VI. edizioa gauzatuko du irailaren 29an eta 30ean, Cristina Enea Ingurumen Baliabideen zentroan, Kontsumoa eraldabide: nolako kontsumoak egiten gaitu zoriontsu? izenburupean.

Jardunaldiak, kontsumo eraldatzailera eta zoriona bilatzera bideratutako ideien topagune izateko asmoz sortuak, gogoeta-esparru baten baitan egongo dira.

Jarraitu irakurtzen